फ्रेंडशिप

मनगटाला बांधू नकोस
हातभर रंगवून ठेवू नकोस
फक्त मनाच्या कोपऱ्यात जपून ठेव
मित्र म्हणत असशील तर

नको सजवू मखमली कागदांवर
आणि शब्दांत तर मुळीच शोधू नकोस
बस जेव्हा एकटं वाटेल तेव्हा आठवत चल
मित्र म्हणत असशील तर

खंडीभर शुभेच्छा देऊ नकोस
पत्राला उत्तरही पाठवू नकोस
फक्त आपला जुना फोटो बघून हस
मित्र म्हणत असशील तर

नको देऊस फुलं मला शोभेची
भेटींच्या ओझ्यानीही दडपू नकोस
चालताना खांद्यावर हात तेवढा टाक
मित्र म्हणत असशील तर :)