पुन्हा पडेल पाउस

पुन्हा पडेल पाउस, पुन्हा सुचेल कविता  
भिजवेल धरेला, पुन्हा सचैल सरिता
पुन्हा बरसेल घन, पुन्हा उमलेल मन
लाजेल वसुंधरा, पुन्हा धुक्याच्या आडून      
पुन्हा फुलतील पाने, पुन्हा उधळेल वारा  
सूर मधुर मल्हार, पुन्हा छेडतील धारा  
पुन्हा कडकेल वीज, पुन्हा हरवेल नीज
मातीत मृगाचे, पुन्हा प्रसवेल बीज    
पुन्हा कोसळेल आषाढ, पुन्हा न्हाईल श्रावण
प्रेमात पडण्या नव्याने, पुन्हा होईल कारण
 पुन्हा पडेल पाउस, पुन्हा सुचेल कविता  
जगण्याची आस, पुन्हा मिळेल जीविता